భారత రాష్ట్ర సమితి (బీఆర్ఎస్) పార్టీ లోక్‌సభ ఎన్నికల ఫలితాలు

తెలంగాణ ప్రత్యేక రాష్ట్ర డిమాండ్‌తో కల్వకుంట్ల చంద్రశేఖర్‌రావు ఈ పార్టీని స్థాపించారు

తెలంగాణ ప్రత్యేక రాష్ట్ర డిమాండ్‌తో కల్వకుంట్ల చంద్రశేఖర్‌రావు ఈ పార్టీని స్థాపించారు. తెలంగాణ రాష్ట్ర సమితి(టీఆర్ఎస్)గా ఉన్న పార్టీ పేరును.. జాతీయ రాజకీయాల్లోకి ప్రవేశించే ఉద్దేశంతో 2023 అసెంబ్లీ ఎన్నికలకు ముందు భారత రాష్ట్ర సమితి(బీఆర్ఎస్)గా మార్చారు. అయితే బీఆర్ఎస్ 2023 అసెంబ్లీ ఎన్నికల్లో ఓటమిని చవిచూసి తెలంగాణలో అధికారానికి దూరమైంది.

కొంతకాలం క్రితం వరకు బీఆర్ఎస్ తెలంగాణ రాష్ట్రంలో క్రియాశీలకంగా వ్యవహరించింది. ఆ పార్టీ అధినేత కె చంద్రశేఖర్ రావు తెలంగాణ రాష్ట్ర ఆవిర్భావం తర్వాత వరుసగా రెండుసార్లు తెలంగాణ ముఖ్యమంత్రిగా పనిచేశారు.

భారత రాష్ట్ర సమితిని 27 ఏప్రిల్ 2001న స్థాపించిన కేసీఆర్.. హైదరాబాద్ రాజధానిగా ప్రత్యేక తెలంగాణ రాష్ట్రాన్ని ఏర్పాటు చేయడమే ఏకైక ఎజెండాగా ఉద్యమించారు. ఈ ప్రాంతంలో కొత్త రాష్ట్రం డిమాండ్ దాదాపు 6 దశాబ్దాల నాటిది. తెలంగాణ రాష్ట్ర సమితిని ఆంధ్రప్రదేశ్ నుంచి విడదీసి తెలంగాణకు రాష్ట్ర హోదా కల్పించాలని డిమాండ్‌తో సాగించిన ఉద్యమంలో బీఆర్ఎస్ కీలక పాత్ర పోషించింది. తెలంగాణ కొత్త రాష్ట్రంగా 2014 ఫిబ్రవరిలో ఏర్పాటయ్యింది. 

కొత్త రాష్ట్రంగా ఆవిర్భవించిన తర్వాత ఇక్కడ జరిగిన ఎన్నికల్లో కె. చంద్రశేఖరరావు నాయకత్వంలో టీఆర్‌ఎస్‌ బంపర్‌ విజయం సాధించి ఇక్కడ తొలి ముఖ్యమంత్రి అయ్యారు. ఇదొక్కటే కాదు, 2014 పార్లమెంటు ఎన్నికల్లో కూడా టిఆర్ఎస్ 11 లోక్ సభ స్థానాలను గెలుచుకుంది. ఆ తర్వాత 2018 తెలంగాణ అసెంబ్లీ ఎన్నికల్లో టీఆర్ఎస్ మళ్లీ భారీ విజయం సాధించి కేసీఆర్ రెండోసారి ముఖ్యమంత్రి అయ్యారు. 2019 సార్వత్రిక ఎన్నికల్లో టీఆర్ఎస్ 9 సీట్లు గెలుచుకుంది. పార్టీని జాతీయ స్థాయికి తీసుకెళ్లాలని కేసీఆర్ నిర్ణయించుకున్నారు. 5 అక్టోబర్ 2022 న పార్టీ పేరును తెలంగాణ రాష్ట్ర సమితి నుండి భారత రాష్ట్ర సమితిగా మార్చారు.