కర్ణాటకలో కుప్పకూలిన ఇండియన్ ఎయిర్ ఫోర్స్ విమానం.. పైలట్ల పరిస్థితి ఏంటి..?

కర్ణాటకలో భారత వాయుసేన శిక్షణ విమానం కూలిపోయింది. కర్నాటకలోని సమరాజ్‌నగర జిల్లా పోఖాపురా గ్రామంలో ఇండియన్ ఎయిర్‌ఫోర్స్ శిక్షణా విమానం బహిరంగ మైదానంలో కూలిపోయింది. కుప్పకూలిన జెట్‌ విమానంలో ఇద్దరు పైలట్లు పారాచూట్ ద్వారా విజయవంతంగా ఎజెక్ట్ చేసి సురక్షితంగా ల్యాండ్ అయినట్లు సమాచారం. ఈ ప్రమాదంలో ఎలాంటి ప్రాణ నష్టం జరగలేదని సమాచారం. ప్రమాదానికి సంబంధించిన మరిన్ని వివరాలు త్వరలో వెల్లడయ్యే అవకాశం ఉంది.

దీనిపై భారత వాయుసేన అధికారులు మాట్లాడుతూ.. ‘‘కర్ణాటకలోని సమరాజనగర్‌లోని మకాలీ గ్రామ సమీపంలో భారత వైమానిక దళానికి చెందిన కిరణ్ శిక్షణా విమానం కూలిపోయింది. మహిళా పైలట్‌తో సహా ఇద్దరు పైలట్లు సురక్షితంగా ఉన్నారు. ప్రమాదానికి గల కారణాన్ని తెలుసుకోవడానికి కోర్టు విచారణకు ఆదేశించబడినట్టుగా చెప్పారు.

A Kiran trainer aircraft of the IAF crashed near Chamrajnagar, Karnataka today, while on a routine training sortie. Both aircrew ejected safely. A Court of Inquiry has been ordered to ascertain the cause of the accident.

— Indian Air Force (@IAF_MCC) June 1, 2023

గత నెల 8న రాజస్థాన్‌లోని హనుమాన్‌గఢ్‌ సమీపంలో భారత వైమానిక దళానికి చెందిన మిగ్-21 యుద్ధ విమానం కూలిపోవడంతో ముగ్గురు వ్యక్తులు మరణించారు. సూరత్‌గఢ్ స్థావరానికి ఈశాన్య దిశగా 25 కిలోమీటర్ల దూరంలో పైలట్‌ను రక్షించినట్లు వైమానిక దళం తెలిపింది. మృతుల కుటుంబాలకు ప్రగాఢ సానుభూతిని తెలియజేస్తూ, ప్రమాదానికి గల కారణాలను తెలుసుకోవడానికి దర్యాప్తును ఏర్పాటు చేసినట్లు భారత వైమానిక దళం తెలిపింది.

మే 30న ఒక శిక్షణ విమానం అత్యవసరంగా ల్యాండింగ్ చేయబడింది. 30వ తేదీన కర్ణాటకలోని రెండు సీట్ల శిక్షణా విమానంలో సాంకేతిక లోపం తలెత్తడంతో బెలగావిలోని సాంబ్రా విమానాశ్రయం సమీపంలో అత్యవసరంగా ల్యాండింగ్ చేశారు. విమానంలో ఉన్న ఇద్దరు పైలట్లకు స్వల్ప గాయాలయ్యాయి. వైద్య చికిత్స కోసం ఎయిర్ ఫోర్స్ ఆసుపత్రికి తరలించారు.

మరిన్ని జాతీయ వార్తల కోసం ఇక్కడ లింక్ క్లిక్ చేయండి