స్కానింగ్ మిషన్స్ కూడా కనిపెట్టకుండా కనికట్టు చేసింది.. లోదుస్తుల్లో దాచి అడ్డంగా దొరికిపోయిన మహిళ..
అదొక రద్దీగా అంతర్జాతీయ విమానాశ్రయం.. రోజూ వందలాది విమానాలు రాకపోకలు సాగిస్తుంటాయి. వేలాది మంది ప్రయాణికులు దేశ, విదేశాలకు ప్రయాణాలు సాగిస్తుంటాయి.
Updated on: Mar 14, 2023 | 8:50 PM
అదొక రద్దీగా అంతర్జాతీయ విమానాశ్రయం.. రోజూ వందలాది విమానాలు రాకపోకలు సాగిస్తుంటాయి. వేలాది మంది ప్రయాణికులు దేశ, విదేశాలకు ప్రయాణాలు సాగిస్తుంటాయి. అలాంటి విమానాశ్రయంలో ఓ మహిళ.. ప్రవర్తన అనుమానాస్పదంగా కనిపించింది. అయితే, మొదట అధికారులు లైట్ తీసుకున్నారు. ఆమె నడకలో తేడా కనిపించడంతో వెంటనే రంగంలోకి దిగారు. ఆమెను ముందు అదుపులోకి తీసుకుని విచారించారు. ఆమె లగేజీని కూడా చెక్ చేశారు. కానీ ఏం కనిపించలేదు.. అంతా మంచిగానే ఉంది.. ఆమెను స్కానర్ ద్వారా కూడా చెక్ చేశారు. ఏం కనిపించలేదు.. చివరకు లోదుస్తులను చెక్ చేయగా.. అసలు విషయం వెలుగులోకి వచ్చింది. ఆమె లోదుస్తుల నుంచి రూ.కోటి బంగారాన్ని స్వాధీనం చేసుకున్నారు. ఈ షాకింగ్ సీన్ కేరళలోని కోజికోడ్ అంతర్జాతీయ విమానాశ్రయంలో చోటుచేసుకుంది.
కోజికోడ్ ఎయిర్ పోర్ట్ అధికారులు తెలిపిన వివరాల ప్రకారం.. లోదుస్తుల్లో ఉంచి రూ.కోటి విలువైన బంగారాన్ని అక్రమంగా తరలించేందుకు ప్రయత్నించిన 32 ఏళ్ల మహిళను కరీపూర్ విమానాశ్రయంలో అరెస్ట్ చేసినట్లు కస్టమ్స్ అధికారులు తెలిపారు. కోజికోడ్‌లోని నరిక్కున్నిలోని కందన్‌ప్లాకిల్‌కు చెందిన అస్మాబీవి (32) ని మొదట అదుపులోకి తీసుకుని విచారించినట్లు తెలిపారు. ఈ తనిఖీల్లో ఆమె లోదుస్తుల్లో దాచుకున్న 1.769 కిలోల బంగారాన్ని స్వాధీనం చేసుకున్నామన్నారు.
ఎయిర్ ఇండియా ఎక్స్ ప్రెస్ విమానంలో దుబాయ్ నుంచి వచ్చిన అస్మాబీవిని కోజికోడ్ ఎయిర్ కస్టమ్స్ ఇంటెలిజెన్స్ అధికారులు పట్టుకున్నారు. 2,031 గ్రాముల బంగారు ముద్దతో కూడిన రెండు ప్యాకెట్లను ఈ సందర్భంగా స్వాధీనం చేసుకున్నట్లు అధికారులు తెలిపారు. దీనిలో 24 క్యారెట్ల స్వచ్ఛత కలిగిన 1.769 కిలోల బంగారం ఉందని.. ఈ బంగారం విలువ రూ.99.68 లక్షలు ఉంటుందని అధికారులు తెలిపారు.
మరిన్ని జాతీయ వార్తల కోసం
