NBFC Interest Rates: బ్యాంకింగ్ యేతర ఆర్ధిక సంస్థల్లో అదిరిపోయే వడ్డీ రేట్లు.. ఎఫ్‌డీలపై ఏకంగా 9 శాతం వడ్డీ ఆఫర్
కొన్ని బ్యాంకింగ్‌యేతర సంస్థలు కూడా కస్టమర్లను ఆకర్షించడానికి మంచి వడ్డీ రేటును అందిస్తున్నాయి. భారతీయ రిజర్వ్ బ్యాంక్ (ఆర్బీఐ) 1934 ఆర్బీఐ చట్టం ప్రకారం ఎన్‌బీఎఫ్‌సీలు లేదా నాన్-బ్యాంకింగ్ ఫైనాన్షియల్ కంపెనీలను నియంత్రిస్తుంది. ఎన్‌బీఎఫ్‌సీలకు అనుబంధించిన క్రెడిట్ రిస్క్ కారణంగా అవి సాధారణంగా బ్యాంకుల కంటే వారి స్థిర డిపాజిట్లపై (ఎఫ్‌డీ) అధిక వడ్డీ రేట్లను అందిస్తాయి. అధిక వడ్డీ రేట్లను ఆశించేటప్పుడు దానికి సంబంధించిన రిస్క్‌ను కూడా ఫేస్‌ చేయాల్సి ఉంటుంది.
Srinu |
Updated on: Aug 24, 2023 | 9:00 PM
జీవితాంతం కష్టపడి సంపాదించిన సొమ్మును నమ్మకమైన రాబడి కోసం వివిధ పెట్టుబడి సాధనాల్లో పెట్టుబడి పెడుతూ ఉంటారు. మన డిపాజిట్లకు భద్రత ఉండడంతో మంచి రాబడినిస్తాయని అందరూ ఎఫ్‌డీల్లో పెట్టుబడి పెట్టడానికి ఇష్టపడుతూ ఉంటారు. ముఖ్యంగా ఈ ఎఫ్‌డీలు అన్ని ప్రముఖ బ్యాంకుల్లో అందుబాటులో ఉంటాయి. అయితే కొన్ని బ్యాంకింగ్‌యేతర సంస్థలు కూడా కస్టమర్లను ఆకర్షించడానికి మంచి వడ్డీ రేటును అందిస్తున్నాయి. భారతీయ రిజర్వ్ బ్యాంక్ (ఆర్బీఐ) 1934 ఆర్బీఐ చట్టం ప్రకారం ఎన్‌బీఎఫ్‌సీలు లేదా నాన్-బ్యాంకింగ్ ఫైనాన్షియల్ కంపెనీలను నియంత్రిస్తుంది. ఎన్‌బీఎఫ్‌సీలకు అనుబంధించిన క్రెడిట్ రిస్క్ కారణంగా అవి సాధారణంగా బ్యాంకుల కంటే వారి స్థిర డిపాజిట్లపై (ఎఫ్‌డీ) అధిక వడ్డీ రేట్లను అందిస్తాయి. అధిక వడ్డీ రేట్లను ఆశించేటప్పుడు దానికి సంబంధించిన రిస్క్‌ను కూడా ఫేస్‌ చేయాల్సి ఉంటుంది. ఈ నేపథ్యంలో పేరున్న క్రెడిట్ రేటింగ్ ఏజెన్సీల నుంచి అత్యధిక భద్రత రేటింగ్‌లు పొందిన ఫిక్స్‌డ్ డిపాజిట్‌లో పెట్టుబడి పెట్టడం మంచిది. ఉత్తమ ఫిక్స్‌డ్ డిపాజిట్ వడ్డీ రేట్లను అందించే ప్రసిద్ధ ఎన్‌బీఎఫ్‌సీల గురించి ఓ సారి తెలుసుకుందాం.
బజాజ్ ఫైనాన్స్
బజాజ్ ఫిన్‌సర్వ్ వడ్డీ రేటు నాన్-క్యుములేటివ్ డిపాజిట్ల కోసం 7.70 శాతం నుంచి 8.60 శాతం వరకు ఆఫర్ చేస్తుంది. ఇది 15 నెలల నుండి 44 నెలల మధ్య సీనియర్ సిటిజన్లకు ఈ వడ్డీ రేటును అందిస్తుంది. సాధారణ డిపాజిట్లపై, బజాజ్ ఫిన్‌సర్వ్ వివిధ కాల వ్యవధిలో సీనియర్ సిటిజన్లకు 7.65 శాతం నుంచి 8.30 శాతం మధ్య వడ్డీ రేటును ఆఫర్ చేస్తుంది.
ముత్తూట్ ఫైనాన్స్
ముత్తూట్ ఫైనాన్స్ ముత్తూట్ క్యాప్ కింద వడ్డీని అందిస్తుంది. ముఖ్యంగా నాన్-క్యుములేటేవ్‌ డిపాజిట్ల కోసం వార్షిక వడ్డీ ప్లాన్‌తో వస్తుంది. ఆయా డిపాజిట్లపై వడ్డీ రేట్లు 6.25 శాతం నుంచి 7.25 శాతం వరకు అందిస్తుంది.
ఎల్‌ఐసీ హౌసింగ్ ఫైనాన్స్
ఎల్‌ఐసీ హౌసింగ్ ఫైనాన్స్ రూ.20 కోట్ల వరకు డిపాజిట్లపై 7 శాతం నుంచి 7.75 శాతం వరకు వడ్డీ రేట్లు అందిస్తుంది. ముఖ్యంగా సంచిత డిపాజిట్ల కోసం ఎల్‌ఐసీ హెచ్‌ఎఫ్‌ఎల్‌ 7.25 శాతం నుంచి 7.75 శాతం వరకు అందిస్తుంది. పెట్టుబడి పెట్టడానికి కనీస మొత్తం రూ. 20,000 ఉండాలని గమనించడం ముఖ్యం.
సుందరం ఫైనాన్స్
సీనియర్ సిటిజన్లకు సుందరం ఫైనాన్స్ ఫిక్స్‌డ్ డిపాజిట్ వడ్డీ రేట్లు వార్షిక విశ్రాంతి సమయంలో 7.95 శాతం నుంచి 8.25 శాతం మధ్య వడ్డీ రేటును అందిస్తుంది.
శ్రీరామ్ ఫైనాన్స్
శ్రీరామ్ ఫైనాన్స్ ఫిక్స్‌డ్ డిపాజిట్ వడ్డీ రేట్లను సాధారణ పౌరులకు 7.60 శాతం నుంచి 8.50 శాతం వరకు అందిస్తుంది. అలాగే సీనియర్ సిటిజన్లకు 0.50 శాతం అధికంగా వడ్డీ రేటును అందిస్తారు. సీనియర్ సిటిజన్లు మహిళలైతే 0.10 శాతం అధికంగా వడ్డీని పొందవచ్చు.
ఐసీఐసీఐ హోమ్ ఫైనాన్స్
ఐసీఐసీఐ హోమ్ ఫైనాన్స్ నాన్-క్యుములేటివ్ డిపాజిట్ల కోసం వార్షిక ఆదాయ ప్రణాళికలో సీనియర్ సిటిజన్లకు 7.25 శాతం నుంచి 7.75 శాతం మధ్య ఫిక్స్‌డ్ డిపాజిట్ వడ్డీ రేట్లను అందిస్తుంది. ప్రత్యేక డిపాజిట్లపై 7.65 శాతం నుంచి 7.85 వరకు వడ్డీ రేటును అందిస్తుంది.
మరిన్ని బిజినెస్ వార్తల కోసం ఇక్కడ క్లిక్ చేయండి..
