వరల్డ్‌కప్‌లో తుస్సుమన్నాడు.. టెస్టుల్లో 480 పరుగులు బాదేశాడు.. కట్ చేస్తే 125 ఏళ్ల రికార్డు బ్రేక్..
ఇంగ్లాండ్ స్టార్ ప్లేయర్ హ్యారీ బ్రూక్ సూపర్ ఫామ్‌లో ఉన్నాడు. పాకిస్థాన్‌తో జరుగుతోన్న టెస్ట్ సిరీస్‌లో వరుస సెంచరీలతో కదంతొక్కాడు.
Updated on: Dec 20, 2022 | 8:30 AM
ఇంగ్లాండ్ స్టార్ ప్లేయర్ హ్యారీ బ్రూక్ సూపర్ ఫామ్‌లో ఉన్నాడు. పాకిస్థాన్‌తో జరుగుతోన్న టెస్ట్ సిరీస్‌లో వరుస సెంచరీలతో కదంతొక్కాడు. మొదటిగా టీ20 వరల్డ్‌కప్‌కు ఎంపికైన బ్రూక్.. ఆ సమయంలో పేలవ ప్రదర్శన కనబరిచాడు. అయితేనేం తన ఎంపిక సరైనదేనని నిరూపిస్తూ పాక్ పర్యటనలో సత్తా చాటాడు. దెబ్బకు 125 ఏళ్ల రికార్డును బ్రేక్ చేశాడు.
హ్యారీ బ్రూక్.. ఇప్పటివరకు జరిగిన 3 మ్యాచ్‌లు 6 ఇన్నింగ్స్‌లలో 3 సెంచరీలు చేయడమే కాదు.. ఈ టెస్ట్ సిరీస్‌లో అత్యధిక రన్ గెట్టర్‌గా అగ్రస్థానంలో నిలిచాడు. అతడు ఆరు ఇన్నింగ్స్‌లలోనూ కలిపి మొత్తంగా 480 పరుగులు సాధించాడు. ఇందులో మూడు సెంచరీలు, ఒక హాఫ్ సెంచరీ ఉన్నాయి. అంతేకాకుండా ఈ మూడు శతకాలు కూడా బ్రూక్ పాకిస్థాన్‌పై కొట్టడం విశేషం. ఇంతకముందు ఇంగ్లాండ్ తరపున కేఎస్‌ రంజిత్‌సింగ్హ్జి 125 ఏళ్ళ క్రితం 6 ఇన్నింగ్స్‌లలో 418 పరుగులు చేయగా.. ఆ తర్వాత టిప్‌ ఫోస్టర్‌ 411 పరుగులు చేశారు. ఇప్పుడు బ్రూక్ వీరిద్దరి రికార్డులను బ్రేక్ చేసి అగ్రస్థానంలో నిలిచాడు.
Harry Brook has broken KS Ranjitsinhji’s 125 year-old record for the most runs in a batter’s first 6 men’s Test inns for England:
436 HARRY BROOK (12, 153, 87, 9, 108, 67*) 418 KS Ranjitsinhji (62, 154*, 8, 11, 175, 8*) 411 Tip Foster (287, 19, 49*, 21, 16, 19)
— Mark Puttick (@GryllidaeC) December 18, 2022
