Maruti Suzuki EVX: మారుతీ సుజుకీ ఆల్ ఎలక్ట్రిక్ కూపే.. స్పెయిన్‌లో టెస్టింగ్‌.. విడుదల ఎప్పుడంటే..?
ఈ మోడల్‌ను మొదట భారతదేశంలో ఆటో ఎక్స్‌పో 2023లో ప్రదర్శించారు. అయితే పలు దేశాల్లో ఈ కారును పరీక్షించిన పలు సందర్భాల్లో ఈ కారును గుర్తించారు. ఇటీవల ఈ కచ్చితమైన ఎస్‌యూవీ మరొక టెస్ట్ మ్యూల్ స్పెయిన్‌లో పరీక్షిస్తున్నారు. ఈ నేపథ్యంలో ఈ ఎస్‌యూవీ వివరాలు మరోసారి లైమ్‌లైట్‌లోకి వచ్చాయి. ఎమోషనల్ వెర్సటైల్ క్రూయిజర్ అని కూడా పిలిచే ఈవీఎక్స్‌ మారుతి సుజుకికి సంబంధించిన మొట్టమొదటి ఈవీగా పేర్కొంటున్నారు. ఇది కూపే లాంటి ఎస్‌యూవీ డిజైన్‌ను కలిగి ఉంటుంది.
Srinu |
Updated on: Aug 24, 2023 | 9:30 AM
జపనీస్ ఆటోమోటివ్ దిగ్గజం సుజుకి మోటార్ కార్పొరేషన్ గ్లోబల్, ఇండియన్ మార్కెట్‌ల కోసం తన మొట్టమొదటి ఆల్-ఎలక్ట్రిక్ వాహనంపై పని చేస్తోందనే వాస్తవం మనందరికీ తెలుసు. ఈ మోడల్‌ను ఈవీఎక్స్‌ అని పిలుస్తారు. ఈ మోడల్‌ను మొదట భారతదేశంలో ఆటో ఎక్స్‌పో 2023లో ప్రదర్శించారు. అయితే పలు దేశాల్లో ఈ కారును పరీక్షించిన పలు సందర్భాల్లో ఈ కారును గుర్తించారు. ఇటీవల ఈ కచ్చితమైన ఎస్‌యూవీ మరొక టెస్ట్ మ్యూల్ స్పెయిన్‌లో పరీక్షిస్తున్నారు. ఈ నేపథ్యంలో ఈ ఎస్‌యూవీ వివరాలు మరోసారి లైమ్‌లైట్‌లోకి వచ్చాయి. ఎమోషనల్ వెర్సటైల్ క్రూయిజర్ అని కూడా పిలిచే ఈవీఎక్స్‌ మారుతి సుజుకికి సంబంధించిన మొట్టమొదటి ఈవీగా పేర్కొంటున్నారు. ఇది కూపే లాంటి ఎస్‌యూవీ డిజైన్‌ను కలిగి ఉంటుంది. ఈ తాజా ఈవీఎక్స్‌ అభివృద్ధి చివరి దశలో ఉందని మార్కెట్‌ నిపుణులు చెబుతున్నారు. ఈ ఎస్‌యూవీ స్పెయిన్‌లో పరీక్షిస్తున్న సమయంలో ఈ కారు డిజైన్‌ గురించి అందరికీ తెలిసింది. ఈ ఈవీఎక్స్‌ జనవరి 2024 నాటికి ప్రారంభించే అవకాశం ఉంటుందని మార్కెట్‌ వర్గాలు అంచనా వేస్తున్నాయి. ఈ కారు గురించి మరిన్ని వివరాలను ఓ సారి తెలుసుకుందాం.
మారుతీ ఈవీఎక్స్‌ తాజా ఫొటోలను పరిశీలిస్తే ఈ ఎస్‌యూవీ పొడవు 4,300ఎంఎం, వెడల్పు 1,800ఎంఎం, ఎత్తు 1,600 ఎంఎంగా ఉంటుందని తెలుస్తుంది. ఈవీఎక్స్‌లో క్రోమ్ బార్, సాధారణ ప్రొజెక్టర్ హెడ్‌ల్యాంప్‌లు ఉన్నాయి. రాబోయే ఈ ఎస్‌యూవీ టాప్-స్పెక్ వెర్షన్‌లలో కంపెనీ ఈ లైట్లను ఆల్ ఎల్‌ఈడీ లైటింగ్‌కి అప్‌గ్రేడ్ చేస్తుందని భావిస్తున్నారు. ఈ రాబోయే ఎస్‌యూవీ గణనీయంగా మరింత ఆధునిక, అధునాతనంగా కనిపించే ఇంటీరియర్‌తో అమర్చబడిందని గత ఇమేజ్‌లను బట్టి తెలుస్తుంది.
ఈ కారు రెండు-స్పోక్ ఫ్లాట్-బాటమ్ మల్టీఫంక్షన్ స్టీరింగ్ వీల్, ఎలక్ట్రికల్-అడ్జస్టబుల్ డ్రైవర్ సీటు, డ్యాష్‌బోర్డ్‌లో కొత్త డిస్‌ప్లే యూనిట్, సరికొత్త డిజిటల్ ఇన్ఫోటైన్‌మెంట్ సిస్టమ్, కొత్త పూర్తి-డిజిటల్ ఇన్‌స్ట్రుమెంట్ క్లస్టర్, కొత్తగా రోటరీ డయల్‌తో పాటు సెంటర్ కన్సోల్‌ను రూపొందించారు. ప్రస్తుతానికి ఈ రాబోయే ఎస్‌యూవీ పవర్‌ట్రెయిన్ స్పెసిఫికేషన్‌లను కంపెనీ వెల్లడించలేదు. అయితే ఇది సరికొత్త డెడికేటెడ్ ఎలక్ట్రిక్ ప్లాట్‌ఫారమ్‌పై నిర్మిస్తున్నట్లు నివేదకలు బట్టి తెలుస్తుంది. ఈ నివేదికల ప్రకారం తుది ఉత్పత్తి-స్పెక్ సుజుకి ఈవీఎక్స్‌ మోడల్ 60 కేడబ్ల్యూహెచ్‌ బ్యాటరీ ప్యాక్‌తో వస్తుంది. ఈ కారు సుమారుగా 500-520 కిలోమీటర్ల మైలేజ్‌ను అందించే అవకాశం ఉంది.
మరిన్ని బిజినెస్ న్యూస్ కోసం క్లిక్ చేయండి..
