IRCTC: రైలులో ప్రయాణించేటప్పుడు టికెట్ పోగొట్టుకున్నారా.? అయితే ఇలా చేస్తే మీ జర్నీ సేఫ్!
మీరు తరచూ రైలు ప్రయాణాలు చేస్తుంటారా.? అయితే ఈ వార్త మీకోసమే. కొన్నిసార్లు ఆకస్మిక ప్రయాణం కారణంగా మనం..
Updated on: Mar 25, 2023 | 8:57 PM
మీరు తరచూ రైలు ప్రయాణాలు చేస్తుంటారా.? అయితే ఈ వార్త మీకోసమే. కొన్నిసార్లు ఆకస్మిక ప్రయాణం కారణంగా మనం కొన్నిసార్లు టికెట్ తీసుకోవడం మర్చిపోవడం లేదా పోగొట్టుకోవడం జరుగుతుంటుంది. ఇలాంటి పరిస్థితుల్లో మీకు టికెట్ కలెక్టర్‌ ఫైన్ వేయకుండా తప్పించుకోవాలంటే ఏం చేయాలి.? టెన్షన్ పడకండి.. మీకోసం రైల్వే శాఖ ఓ ఆప్షన్ తీసుకొచ్చింది. అదేంటో తెలుసుకుందామా..
మీరు టికెట్ పోగొట్టుకున్నా.. లేక చిరిగిపోయినా.. ఎలాంటి ఇబ్బంది లేకుండా ప్రయాణాన్ని పూర్తి చేయవచ్చు, TTE మిమ్మల్ని ఎలాంటి ఇబ్బంది పెట్టడు. మీరు డూప్లికేట్ టికెట్ తీసుకుంటే సరిపోతుంది. అయితే కేవలం 2 షరతులతో మాత్రం దాన్ని తీసుకోగలరు. మీ టికెట్ కన్ఫర్మ్ అవ్వాలి లేదా RAC అయి ఉండాలి.
డూప్లికేట్ టికెట్ కోసం, స్లీపర్ క్లాస్ ప్రయాణీకులు రూ. 50, ఆపై క్లాస్ వాళ్లు రూ. 100 చెల్లించాలి. మరోవైపు, మీ టికెట్ చిరిగిపోతే.. ఆ టికెట్ మొత్తంలో 25 శాతం చెల్లించాల్సి ఉంటుంది. ఒకవేళ మీ పోగొట్టుకున్న టికెట్ దొరికితే.. మీరు నకిలీ టికెట్‌పై వాపసు పొందొచ్చు. మొత్తంలో రూ. 20 లేదా 5 శాతం మినహా మిగిలిన డబ్బులు వస్తాయి.
