EPFO Update: పీఎఫ్ ఖాతాదారులకు అలర్ట్.. ఈ వివరాలను అప్‌డేట్ చేయండి.. లేకపోతే నగదు విత్‌డ్రా కష్టమే..

ఎంప్లాయీస్ ప్రావిడెంట్ ఫండ్ ఆర్గనైజేషన్ ఉద్యోగుల సౌలభ్యం కోసం పలు సేవలను విస్తరించింది. పీఎఫ్‌ నగదును ఉపసంహరించుకునే ప్రక్రియ నుంచి నామినీ తదితర వివరాలను అప్డేట్ చేయడం లాంటి వాటిని ఆన్‌లైన్‌ చేసింది. అయితే, పీఎఫ్‌ ఖాతా నుంచి డబ్బును విత్‌డ్రా చేయాలనుకుంటే, ముందుగా మీరు మీ PF ఖాతాలోని కొన్ని ముఖ్యమైన డాక్యుమెంట్‌లను అప్‌డేట్ చేయాలి. లేకుంటే మీరు PF డబ్బును విత్‌డ్రా చేయడంలో అనేక ఇబ్బందులు ఎదుర్కోవలసి ఉంటుంది. ఎంప్లాయీస్ ప్రావిడెంట్ ఫండ్ (EPF) ఖాతాలో జమ చేసిన మొత్తాన్ని సులభంగా పాక్షికంగా లేదా పూర్తిగా విత్‌డ్రా చేసుకోవచ్చు. పీఎఫ్ విత్‌డ్రాను అన్ని సందర్భాల్లో చేసుకోవచ్చు. చందాదారుడు ఉద్యోగం నుంచి రిటైర్మెంట్ అయినా.. లేదా వరుసగా 2 నెలలకు పైగా నిరుద్యోగిగా ఉన్నా EPF మొత్తాన్ని విత్‌డ్రా చేసుకోవచ్చు.

వివాహం, మెడికల్ ఎమర్జెన్సీ, హోమ్ లోన్ చెల్లింపు వంటి పరిస్థితుల్లో కూడా ఈ ఫండ్‌లో డిపాజిట్ చేసిన మొత్తంలో కొంత భాగాన్ని కొన్ని షరతుల ప్రకారం విత్‌డ్రా చేసుకోవచ్చు. అయితే, పదవీ విరమణకు ముందు PF డబ్బును ఉపసంహరించుకోవాలనుకుంటే దానిలోని కొన్ని పత్రాలు (PF పత్రాలు) అప్డేట్ చేయడం అవసరం. ఈ డాక్యుమెంట్స్ సహాయంతో పీఎఫ్ డబ్బును విత్‌డ్రా చేసుకోవచ్చు.

ఉద్యోగుల సంక్షేమం కోసం.. భారత ప్రభుత్వం ఎంప్లాయిస్‌ ప్రావిడెంట్ ఫండ్ ఆర్గనైజేషన్ 1951 సంవత్సరంలో స్థాపించింది. దీనిని భారత ప్రభుత్వంలోని కార్మిక, ఉపాధి మంత్రిత్వ శాఖ పర్యవేక్షిస్తుంది. కార్మిక మంత్రిత్వ శాఖ EPF కార్యక్రమాలను నియంత్రించడంతోపాటు.. సౌలభ్యాల కల్పన, వడ్డీ, బీమా తదితర వాటిని పర్యవేక్షిస్తుంది.

ఇవి కూడా చదవండి

EPFO Pension Hike: పీఎఫ్ ఉద్యోగులకు గుడ్ న్యూస్.. ఈ డిమాండ్ నెరవేరితే పెన్షన్ భారీగా పెరిగే అవకాశం..

Post Office Scheme: అదిరిపోయే పోస్టాఫీస్ స్కీం.. రూ.10 వేల పెట్టుబడితో రూ.16 లక్షలు పొందొచ్చు.. ఎలాగో తెలుసుకోండి..

Viral Video: చిన్న సాలీడు.. పెద్ద పాముకు చుక్కలు చూపించింది.. చివరకు.. వీడియో చూస్తే స్టన్ అవ్వాల్సిందే..

జీవితంలో విజయం సాధించాలంటే.. మర్చిపోయి కూడా ఈ విషయాలను ఎవరితోనూ చెప్పకండి.. ఎందుకంటే..

పీఎఫ్‌ నగదును ఉపసంహరించుకోవడానికి అవసరమైన పత్రాలు

• రెండు రెవెన్యూ స్టాంపులు.
• కంపోసిట్‌ క్లయిమ్‌ ఫామ్‌. బ్యాంక్ ఖాతా వివరాలు (బ్యాంక్ ఖాతా PF ఖాతాదారుడి పేరు మీద మాత్రమే ఉండాలి).
• గుర్తింపు కార్డు ( గుర్తింపు రుజువు )
• చిరునామా వివరాలు
• బ్యాంకు IFSC కోడ్
• బ్యాంక్ ఖాతా నంబర్‌తో కూడిన క్యాన్సిల్‌ చేసిన చెక్
• పుట్టిన తేదీ, తండ్రి పేరు వంటి వ్యక్తిగత వివరాలు, గుర్తింపు రుజువుతో స్పష్టంగా సరిపోలేలా ఉండే పత్రాలు..
• ఉద్యోగి ఉద్యోగం చేసే సమయంలో లేదా విరమణకు 5 సంవత్సరాల ముందు తన PF విత్‌డ్రా వివరాలు.
• PF ఖాతాలో జమ చేసిన మొత్తానికి సంబంధించిన వివరాలు, ఆదాయపు పన్ను రిటర్న్ (ITR) ఫారమ్ 2, 3 కావాల్సి ఉంటుంది.
• ఈ వివరాలన్నీ అప్డేట్ గా ఉంటే.. పీఎఫ్ నగదు ఉపసంహరించడం సులభం అవుతుంది.

మరిన్ని బిజినెస్ వార్తల కోసం..