AFG vs PAK: విజయానికి 11 పరుగులు.. చేతిలో ఒక వికెట్.. ఆఖరి ఓవర్లో మ్యాజిక్ చేసిన పాక్ బౌలర్..
PAK vs AFG: ఈ మ్యాచ్‌లో తొలుత బ్యాటింగ్ చేసిన ఆఫ్ఘన్ జట్టు పాకిస్థాన్‌కు 301 పరుగుల లక్ష్యాన్ని నిర్దేశించింది. ఈ లక్ష్యాన్ని ఛేదించిన పాకిస్థాన్ 49.5 ఓవర్లలో 9 వికెట్లు కోల్పోయి విజయం సాధించింది. ఈ విజయంలో కీలకపాత్ర పోషించిన నసీమ్ షా.. చివరి ఓవర్లో చెలరేగి పాక్ జట్టు విజయానికి హీరో అయ్యాడు.
PAK vs AFG: ఆఫ్ఘనిస్థాన్‌తో జరిగిన మూడు వన్డేల సిరీస్‌ను పాకిస్థాన్ 2-0 తేడాతో కైవసం చేసుకుంది. ఇరు జట్ల మధ్య జరిగిన రెండో వన్డే మ్యాచ్‌లో పాకిస్థాన్ ఉత్కంఠ విజయం సాధించింది. చివరి వరకు విజయం ఇరుజట్లతో దూబూచులాడింది. ఆఫ్ఘనిస్థాన్ చివరి దశలో లయ కోల్పోయి ఓటమి అంచున పడింది.
వాస్తవానికి ఈ మ్యాచ్‌లో తొలుత బ్యాటింగ్ చేసిన ఆఫ్ఘనిస్థాన్ పాకిస్థాన్‌కు 301 పరుగుల లక్ష్యాన్ని నిర్దేశించింది. ఈ లక్ష్యాన్ని ఛేదించిన పాకిస్థాన్ 49.5 ఓవర్లలో 9 వికెట్లు కోల్పోయి విజయం సొంతం చేసుకుంది. ఈ విజయంలో కీలకపాత్ర పోషించిన నసీమ్ షా.. చివరి ఓవర్లో చెలరేగి పాక్ జట్టు విజయానికి హీరో అయ్యాడు.
నిజానికి పాక్ విజయానికి చివరి ఓవర్లో 11 పరుగులు కావాలి. కానీ, పాకిస్థాన్‌కు వికెట్లు దక్కలేదు. ఇప్పటికే ఆ జట్టు 8 వికెట్లు పడిపోయాయి. అలాగే, చివర్లో బౌలర్లు క్రీజులో ఉండడంతో ఈ మ్యాచ్ ఆఫ్ఘనిస్థాన్ కు అనుకూలంగా మారడం ఖాయమనిపించింది. చివరి ఓవర్ బౌలింగ్ బాధ్యతను ఫజ్లక్ ఫరూఖీ తీసుకున్నాడు. ఈసారి నసీమ్ షా బ్యాటింగ్ చేసేందుకు సిద్ధంగా ఉన్నాడు. ఆ ఓవర్ తొలి బంతిని వేయడానికి వచ్చిన ఫరూఖీ.. తన తెలివైన ఎత్తుగడతో షాదాబ్‌ను రనౌట్ చేశాడు.
ఫరూఖీ బంతిని వేయకముందే షాదాబ్ పరుగు తీసేందుకు ముందుకు కదిలాడు. ఫరూఖీ ఈ అవకాశాన్ని ఉపయోగించుకుని అతడిని రనౌట్ చేశాడు. అలా పాక్ జట్టు 9వ వికెట్ పడింది. ఆ తర్వాత తొలి బంతిని ఎదుర్కొన్న నసీమ్.. ఆ బంతిని బౌండరీకి పంపించాడు. దీంతో చివరి 5 బంతుల్లో పాక్‌కు 7 పరుగులు కావాల్సి వచ్చింది. ఆ ఓవర్ రెండో బంతి డాట్‌గా మారింది. తర్వాతి బంతికి బౌలర్ ఒక్క పరుగు మాత్రమే ఇచ్చాడు. దీంతో పాక్ 3 బంతుల్లో 6 పరుగుల లక్ష్యాన్ని నిర్దేశించింది.
దీంతో ఆఫ్ఘనిస్థాన్ విజయం ఖాయంగా కనిపించింది. కానీ నాలుగో బంతికి హారిస్ రవూఫ్ 3 పరుగులు చేశాడు. చివరికి పాకిస్థాన్ విజయానికి 2 బంతుల్లో 3 పరుగులు చేయాల్సి ఉంది. ఈ దశలో ఆఫ్ఘనిస్తాన్‌కు గెలిచేందుకు 2 మార్గాలు ఉన్నాయి. వికెట్లు తీయడం లేదా పరుగులు తగ్గించడం. కానీ, ఆఫ్ఘన్ జట్టు ఈ రెండూ చేయలేకపోయింది. 5వ బంతిని ఎదుర్కొన్న నసీమ్ షా 5వ బంతికి బౌండరీ బాది ఆఫ్ఘనిస్థాన్ ఆశలకు తెరదించాడు. నసీమ్ బౌండరీ బాదడంతో పాక్ ఆటగాళ్లు డ్రెస్సింగ్ రూమ్‌లో ఆనందంతో డ్యాన్స్ చేశారు.