Expense Tracking Apps: మీ రాబడి ఎంత? మీ ఖర్చు ఎంత? ఈ యాప్స్ ట్రాక్ చేసేస్తాయి.. ఆర్థిక క్రమశిక్షణతో పాటు పూర్తి భద్రత..
ఇటీవల అందివస్తున్న సాంకేతికత మనకు ఆ ఇబ్బందులు లేకుండా చేస్తోంది. ఎక్స్ పెన్స్ ట్రాకింగ్ యాప్స్ మనకు గూగుల్ ప్లే స్టోర్లో అందుబాటులో ఉంటున్నాయి. వీటి ద్వారా మీ ఖర్చులను ఎప్పటికప్పుడు ట్రాక్ చేయొచ్చు. అధికంగా ఖర్చుచేస్తూ ఉంటే మనల్ని మనం నియంత్రించుకోవచ్చు. ఆ యాప్స్ ఏంటి? అవి ఎలా పనిచేస్తాయి? వాటి వల్ల మనకు ప్రయోజనం ఏమిటి? తెలుసుకుందాం రండి..
ఆర్థిక స్థిరత్వాన్ని కోరుకునే ప్రతి ఒక్కరూ బడ్జెట్ మెయింటేన్ చేయాలి. ఎదుకంటే మనకు ఎంత వస్తుంది? ఎంత ఖర్చు చేస్తున్నాం? ఎంత సేవింగ్ చేస్తున్నాం? అనే విషయాలను లెక్కించకపోతే ఆర్థికంగా నష్టపోవాల్సి వస్తుంది. కుటుంబంలో ఇబ్బందులు తలెత్తుతాయి. అందుకే ప్రతి ఒక్కరూ ఆర్థిక పరమైన ప్లానింగ్ ను కలిగి ఉండాలి. లేకుంటే మీరు సంపాదిస్తున్న సొమ్ము ఎక్కడికిపోతుందో కూడా మీకు తెలీదు. అందుకే మీ ఖర్చులను ట్రాక్ చేయాలి. ఎంతో కొంత సేవింగ్స్ లో ఉంచాలి. ఇలాంటివి మీరు స్వతహాగా చేయడం అంటే కాస్త ఇబ్బందే. అయితే ఇటీవల అందివస్తున్న సాంకేతికత మనకు ఆ ఇబ్బందులు లేకుండా చేస్తోంది. ఎక్స్ పెన్స్ ట్రాకింగ్ యాప్స్ మనకు గూగుల్ ప్లే స్టోర్లో అందుబాటులో ఉంటున్నాయి. వీటి ద్వారా మీ ఖర్చులను ఎప్పటికప్పుడు ట్రాక్ చేయొచ్చు. అధికంగా ఖర్చు చేస్తూ ఉంటే మనల్ని మనం నియంత్రించుకోవచ్చు. ఆ యాప్స్ ఏంటి? అవి ఎలా పనిచేస్తాయి? వాటి వల్ల మనకు ప్రయోజనం ఏమిటి? తెలుసుకుందాం రండి..
ఎక్స్‌పెన్సీఫై యాప్.. ఇది చాలా అద్భుతమైన యాప్ మీ బిజినెస్, ప్రయాణ ఖర్చులను ట్రాక్ చేయడంలో బాగా ఉపకరిస్తుంది. పని-సంబంధిత ఖర్చులను ట్రాక్ చేయడానికి నిపుణులు దీనిని తరచుగా ఉపయోగిస్తున్నప్పటికీ, ఇది వ్యక్తిగతంగా కూడా ప్రయోజనకరంగా ఉంటుంది. ఎక్స్‌పెన్సీఫై యాప్ ఖర్చు రిపోర్టింగ్ ప్రక్రియను క్రమబద్ధీకరిస్తుంది. రసీదులను స్కాన్ చేయడానికి, మైలేజీని ట్రాక్ చేయడానికి, వివరణాత్మక ఖర్చు నివేదికలను రూపొందించడానికి మిమ్మల్ని అనుమతిస్తుంది.
వ్యాలెట్: బడ్జెట్ అండ్ మనీ మేనేజర్.. ఈ యాప్ మీ బడ్జెట్ తో పాటు ఖర్చులను పర్యవేక్షిస్తుంది. మీ భవిష్యత్తు లక్ష్యాలను అందుకునేందుకు అవసరమైన నియంత్రణను అందిస్తుంది. మీ ఖర్చులను విభజించుకునేలా ప్రోత్సహిస్తుంది. మీ వ్యక్తిగత ఖర్చులు, అలాగే ఇతర ఖర్చులుగా మార్చుకొని సెపరేటుగా దానిని చూపిస్తుంది. అంతేకాక ఈ యాప్ లో డబ్బులు ఖర్చు చేసే విధానంతో పాటు ఆదా చేసేందుకు అవసరం అయిన టిప్స్ అందించేందుకు పలు రకాల బ్లాగ్స్, ఆర్టికల్స్ అందుబాటులో ఉంటాయి.
స్పెండింగ్ ట్రాకర్.. ఈ యాప్ చాలా సులభమైన, యూజర్ ఫ్రెండ్లీ ఎక్స్ పెన్స్ ట్రాకర్. దీనిలో మీ ఖర్చులను క్రమబద్ధీకరించడంలో మీకు సహాయపడే సరళమైన విభాగాలు ఉన్నాయి. దీనిలో మీరు వివిధ వర్గాలుగా ఖర్చులను విభాగించాల్సిన అవసరం లేదు. ఈ స్పెండింగ్ ట్రాకర్‌తో, మీ డబ్బును మీరు ఎలా ఖర్చు చేస్తున్నారో అవగాహనకు రావొచ్చు. అలాగే డబ్బు ఆదా చేసే మార్గాలను కనుగొనవచ్చు.
మనీ మేనేజర్ ఎక్స్ పెన్స్ అండ్ బడ్జెట్.. మనీ మేనేజర్ యాప్ అనేది మీ ఖర్చులను పర్యవేక్షించడానికి అందుబాటులో ఉన్న ఒక మంచి ఉచిత అప్లికేషన్. ఇది రోజు, వారం, నెల, సంవత్సరం వారీగా మీ ఖర్చులను క్రమబద్ధీకరించడానికి మిమ్మల్ని అనుమతిస్తుంది. మీ ఆదాయం, ఖర్చులు, మీరు ఎంత ఆదా చేశారనే దానిపై నిఘా ఉంచడంలో మీకు సహాయపడుతుంది. మీ ఖర్చుల నమూనాల గురించి మీకు వివరాలను అందిస్తుంది. ఖర్చు పరిమితిని సెట్ చేయడానికి మిమ్మల్ని అనుమతిస్తుంది
మింట్: బడ్జెట్ అండ్ ట్రాక్ బిల్స్.. ఇది కూడా మీకు మంచి మనీ మేనేజ్‌మెంట్ సొల్యూషనే. మీ ఫైనాన్స్‌ల విషయమైన అన్ని అంశాలను ఇది క్రమబద్ధీకరిస్తుంది. బ్యాలెన్స్‌లు, బడ్జెట్‌ల నుంచి క్రెడిట్ హెల్త్, ఆర్థిక లక్ష్యాల వరకు అన్నింటినీ కవర్ చేస్తూ, మింట్ మీ ఆర్థిక ప్రయాణాన్ని నియంత్రించే సాధనాలతో మీకు అధికారం ఇస్తుంది. మీరు వివిధ వర్గాల కోసం బడ్జెట్‌లు, పొదుపు లక్ష్యాలను సృష్టించవచ్చు. ఈ యాప్ మీ బిల్లులు ఎప్పుడు చెల్లించాలి అనే దాని గురించి సకాలంలో రిమైండర్‌లను కూడా మీకు అందించగలదు. ఇది మీ ఖాతా బ్యాలెన్స్‌ల స్థితి గురించి మీకు తెలియజేయడానికి నోటిఫికేషన్‌లను కూడా అందిస్తుంది.
మరిన్ని బిజినెస్ వార్తల కోసం ఇక్కడ క్లిక్ చేయండి..