టీమిండియా స్టార్, రాయల్ చాలెంజర్స్ బెంగళూరు బ్యాటర్ విరాట్ కోహ్లికి ఊహించని షాక్ తగిలింది. ఈ రన్మెషీన్ నిబంధనలు ఉల్లంఘించినందుకు గానూ ఐపీఎల్ నిర్వాహకులు జరిమానా విధించారు. మ్యాచ్ ఫీజులో 10 శాతం కోత విధిస్తూ నిర్ణయం తీసుకున్నారు. ఐపీఎల్-2023లో భాగంగా చెన్నై సూపర్ కింగ్స్తో బెంగళూరులోని ఎం.చిన్నస్వామి స్టేడియంలో మ్యాచ్ జరిగింది. ఈ సమయంలో ఐపీఎల్ ప్రవర్తనా నియమావళిని అతిక్రమించినందుకు విరాట్ కోహ్లికి ఫైన్ పడింది.ఐపీఎల్ కోడ్లోని ఆర్టికల్ 2.2లోని లెవల్ 1 నిబంధన ఉల్లంఘించినట్లు బీసీసీఐ ప్రకటనలో పేర్కొంది. కాగా కోహ్లికి ఏ ఘటన కారణంగా జరిమానా విధించారన్న విషయం వెల్లడించనప్పటికీ.. సీఎస్కే బ్యాటర్ శివం దూబే అవుటైన సమయంలో కోహ్లి వ్యవహరించిన తీరే ఇందుకు కారణమని తెలుస్తోంది. దూబే పార్నెల్ బౌలింగ్లో సిరాజ్కు క్యాచ్ ఇచ్చి అవుట్ కాగానే కోహ్లి సెలబ్రేషన్స్ కాస్త శ్రుతిమించినట్లు అనిపించింది. ఇక మ్యాచ్లో బెంగళూరు ఓపెనర్ కోహ్లి 4 బంతులు ఎదుర్కొని కేవలం 6 పరుగులు మాత్రమే చేసి అవుటయ్యాడు. సీఎస్కే యువ పేసర్ ఆకాశ్ సింగ్ బౌలింగ్లో కోహ్లి బౌల్డ్ అయ్యాడు. మరిన్ని వీడియోస్ కోసం: Videos Lati Charge on Allu Arjun Fans: అర్థరాత్రి పోలీసోళ్లకు చుక్కలే..! ఏమాత్రం తగ్గని బన్నీ ఫ్యాన్స్.. Allu Arjun Vibrant Look: ఉగ్రగంగమ్మగా పుష్పరాజ్.. సీన్ దద్దరిల్లాలే.. నెట్టింట ఊచకోత కోస్తున్న బన్నీ వీడియో.. Pushpa-2 Video: పుష్ప అడుగుపడితే.. పులి కూడా కుక్క అయిపోవాలే..! సోషల్ మీడియాను రఫ్పాడిస్తున్న పుష్ప..