Rich Tennis Players: ఏడేళ్లుగా ఒక్క గ్రాండ్ స్లామ్ టైటిల్ గెలవలే.. కట్‌చేస్తే.. రూ.300 కోట్ల ప్రైజ్‌మనీతో రికార్డులు బ్రేక్.. ఎవరంటే?
Rich Tennis Players: అలెగ్జాండర్ జ్వెరెవ్ టెన్నిస్‌లో భవిష్యత్ సూపర్‌స్టార్‌గా పేరుగాంచాడు. అతను తన ఆటతీరు, పోరాడే విధానానికి ప్రసిద్ధి చెందాడు. ఇప్పటివరకు గ్రాండ్ స్లామ్ గెలవని జ్వెరెవ్, 2020లో జర్మనీ తరపున ఒలింపిక్ పురుషుల సింగిల్స్ టెన్నిస్ స్వర్ణం గెలిచిన మొదటి వ్యక్తిగా నిలిచాడు. అతను టెన్నిస్ చరిత్రలో గొప్ప ఆటగాడు రోజర్ ఫెదరర్‌ను తన ఆరాధ్య దైవంగా భావిస్తుంటాడు. అతను ప్రపంచంలోని అత్యంత సంపన్న చురుకైన టెన్నిస్ ఆటగాళ్ళలో ఒకడు.
Rich Tennis Players: అలెగ్జాండర్ జ్వెరెవ్ 20 ఏప్రిల్ 1997న హాంబర్గ్‌లో రష్యన్ తల్లిదండ్రులకు జన్మించాడు. జ్వెరెవ్ మూడు సంవత్సరాల వయస్సులో టెన్నిస్ ఆడటం ప్రారంభించాడు. జ్వెరెవ్ తన తల్లి ఇరినా వద్ద టెన్నిస్‌లో శిక్షణ పొందాడు. జ్వెరెవ్ అన్నయ్య మిఖాయిల్ కూడా టెన్నిస్ ఆటగాడే.
2018, 2021 ATP ఫైనల్స్‌లో టైటిల్స్, 2020 టోక్యో ఒలింపిక్స్‌లో బంగారు పతకాన్ని జ్వెరెవ్ కెరీర్‌లో అత్యుత్తమ ప్రదర్శనలు ఉన్నాయి.
టోక్యో 2020లో జర్మనీ తరపున ఒలింపిక్ పురుషుల సింగిల్స్ టెన్నిస్ స్వర్ణం సాధించిన తొలి వ్యక్తిగా అలెగ్జాండర్ జ్వెరెవ్ నిలిచాడు.
అలెగ్జాండర్ జ్వెరెవ్ అసోసియేషన్ ఆఫ్ టెన్నిస్ ప్రొఫెషనల్స్ (ATP) ర్యాంకింగ్స్‌లో అత్యధిక ప్రపంచ నంబర్ 2 ర్యాంకింగ్‌ను కలిగి ఉన్నాడు. జులై 2017 నుంచి నవంబర్ 2022 వరకు స్థిరంగా టాప్ 10లో ర్యాంక్ పొందాడు.
అలెగ్జాండర్ జ్వెరెవ్ సింగిల్స్‌లో 20, డబుల్స్‌లో 20 ATP టూర్ టైటిళ్లను గెలుచుకున్నాడు. 2020 యూఎస్ ఓపెన్‌లో ఫైనల్‌కు చేరుకున్నాడు.
2017లో, జ్వెరెవ్ రెండు మాస్టర్స్ టైటిళ్లను గెలుచుకున్నాడు. ప్రపంచ నం. 3 స్థానంలో నిలిచాడు. జ్వెరెవ్ 2018, 2019లో జర్మన్ ATP టూర్ ఫైనల్స్‌ను గెలుచుకున్నాడు. 2020లో ప్రపంచంలోని టాప్ 10 ప్లేయర్‌లలో ఒకడిగా నిలిచాడు.
జ్వెరెవ్ 2020లో తొలిసారిగా గ్రాండ్‌స్లామ్ సెమీఫైనల్స్, ఫైనల్స్‌కు చేరుకున్నాడు. అతను యూఎస్ ఓపెన్ ఫైనల్‌లో డొమినిక్ థీమ్ చేతిలో ఓడి తన మొదటి గ్రాండ్‌స్లామ్‌ను గెలుచుకోలేకపోయాడు.
అలెగ్జాండర్ జ్వెరెవ్ గర్ల్ ఫ్రెండ్ పేరు సోఫియా థామ్లా, ప్రముఖ జర్మన్ మోడల్, టీవీ యాంకర్.
జ్వెరెవ్ ఇప్పటి వరకు ఒక్క గ్రాండ్ స్లామ్ టైటిల్ కూడా పూర్తిగా గెలవలేదు. అయితే అత్యధిక ప్రైజ్ మనీ గెలుచుకున్న ఆటగాళ్ల జాబితాలో ఏడో స్థానంలో నిలిచాడు. టెన్నిస్ టోర్నమెంట్లలో ఆడుతూ 300 కోట్ల ప్రైజ్ మనీ గెలుచుకున్నాడు.