IND vs PAK: పాకిస్థాన్‌పై వన్డేల్లో అత్యధిక పరుగులు చేసిన భారత ఆటగాడు ఎవరో తెలుసా? టాప్ 5 జాబితా ఇదే..
IND vs PAK, Asia Cup 2023: ప్రపంచకప్ 2019 తర్వాత తొలిసారిగా వన్డే ఫార్మాట్‌లో భారత్, పాకిస్థాన్ జట్లు తలపడనున్నాయి. సెప్టెంబర్ 2న ఈ రెండు జట్ల మధ్య హై ఓల్టేజీ ఆసియాకప్ పోరు జరగనుంది. ఈ ఏడాది కూడా చిరకాల ప్రత్యర్థుల మధ్య వన్డే ఫార్మాట్‌లో కనీసం మూడు మ్యాచ్‌లు జరిగే ఛాన్స్ ఉంది. దీంతో ఈ మ్యాచ్‌లపై అభిమానుల ఆసక్తి పీక్స్‌కు చేరింది.
2019 ప్రపంచకప్ తర్వాత తొలిసారిగా వన్డే ఫార్మాట్‌లో భారత్, పాకిస్థాన్ జట్లు తలపడనున్నాయి. సెప్టెంబర్ 2న ఈ రెండు జట్ల మధ్య హై ఓల్టేజీ ఆసియాకప్ పోరు జరగనుంది. ఈ ఏడాది కూడా చిరకాల ప్రత్యర్థుల మధ్య వన్డే ఫార్మాట్‌లో కనీసం మూడుసార్లు ఒకరితో ఒకరు తలపడే ఛాన్స్ ఉంది.
ఈ రెండు జట్ల మధ్య జరిగిన వన్డే మ్యాచ్‌లో ఇప్పటివరకు ఎన్నో రికార్డులు నమోదయ్యాయి. పాకిస్థాన్‌తో జరిగిన 50 ఓవర్ల మ్యాచ్‌లో టీమిండియా ఆటగాళ్లు అత్యధిక పరుగులు సాధించారు. ఇటువంటి ఐదుగురు ఆటగాళ్ళు ఇక్కడ ఉన్నారు.
పాకిస్థాన్‌పై వన్డేల్లో అత్యధిక పరుగులు చేసిన టీమిండియా ఆటగాళ్లలో మాస్టర్ బ్లాస్టర్ సచిన్ టెండూల్కర్ అగ్రస్థానంలో ఉన్నాడు. పాకిస్థాన్‌పై 69 మ్యాచ్‌లు ఆడి 40.09 సగటుతో 2526 పరుగులు చేశాడు. ఇందులో 5 సెంచరీలు, 16 అర్ధసెంచరీలు ఉన్నాయి.
ఈ జాబితాలో ప్రస్తుత భారత ప్రధాన కోచ్ రాహుల్ ద్రవిడ్ ఉన్నాడు. అతను పాకిస్తాన్‌పై 58 మ్యాచ్‌లలో 36.51 సగటుతో 1899 పరుగులతో అత్యధిక పరుగులు చేసిన రెండవ ఆటగాడిగా నిలిచాడు.
భారత మాజీ కెప్టెన్ మహ్మద్ అజారుద్దీన్ పాకిస్థాన్‌తో 64 మ్యాచ్‌లు ఆడాడు. 31.86 సగటుతో 1657 పరుగులు చేశాడు. చిరకాల ప్రత్యర్థిపై రెండు సెంచరీలు, తొమ్మిది అర్ధసెంచరీలతో అతను ఈ జాబితాలో మూడవ స్థానంలో ఉన్నాడు.
సౌరవ్ గంగూలీ పాకిస్థాన్‌తో 53 వన్డేలు ఆడాడు. 35.14 సగటుతో 1,652 పరుగులు చేశాడు. ఇందులో రెండు సెంచరీలు, 9 అర్ధ సెంచరీలు ఉన్నాయి.
పాకిస్థాన్‌తో 38 మ్యాచ్‌ల్లో 42.50 సగటుతో 1360 పరుగులు చేసిన యువరాజ్ సింగ్ ఈ జాబితాలో ఐదో స్థానంలో ఉన్నాడు. అతను పాకిస్తాన్‌పై 93.47 స్ట్రైక్ రేట్‌తో బ్యాటింగ్ చేశాడు. ఒక సెంచరీ, 12 అర్ధ సెంచరీలు చేశాడు.