మచిలీపట్నం అసెంబ్లీ ఎన్నికల ఫలితాలు 2024

ఆంధ్రప్రదేశ్ శాసనసభ నియోజకవర్గాల్లో మచిలీపట్నం ఒకటి. కృష్ణా జిల్లాలోని ఒక నియోజకవర్గం ఈ మచిలీపట్నం. ఇది మచిలీపట్నం లోక్‌సభ నియోజకవర్గంలోని ఏడు అసెంబ్లీ సెగ్మెంట్లలో ఒకటి. ప్రస్తుతం ఈ నియోజకవర్గానికి వైసీపీ పార్టీకి చెందిన పేర్ని వెంకటరామయ్య(పేర్ని నాని) ఎమ్మెల్యేగా ఉన్నారు. 2019 నాటికి, నియోజకవర్గంలో మొత్తం 184,506 మంది ఓటర్లు ఉన్నారు. డిలిమిటేషన్ ఆర్డర్స్(2008) ప్రకారం 2008లో నియోజకవర్గం స్థాపించబడింది. ఈ అసెంబ్లీ నియోజకవర్గంలో కేవలం మచిలీపట్నం మండలం మాత్రమే ఉంది. ఇక 2009 నుంచి 2019 వరకు జరిగిన అసెంబ్లీ ఎన్నికల ఫలితాలను ఒకసారి పరిశీలిస్తే.. ఒకసారి కాంగ్రెస్, ఒకసారి టీడీపీ, ఒకసారి వైసీపీ పార్టీలు ఈ మచిలీపట్నం నియోజకవర్గం నుంచి గెలుపొందాయి. 2009లో కాంగ్రెస్ పార్టీ నుంచి పోటీ తన సమీప టీడీపీ అభ్యర్ధి కొల్లు రవీంద్రపై గెలుపొందారు పేర్ని నాని. 2014లో టీడీపీ అభ్యర్ధి కొల్లు రవీంద్ర తన సమీప వైసీపీ అభ్యర్ధి పేర్ని నానిపై విజయం సాధించారు. ఇక 2019 ఎన్నికల్లో మళ్లీ వీళ్లిద్దరి మధ్య పోటీ జరగ్గా.. సుమారు 6 వేల మెజార్టీతో వైసీపీ నేత పేర్ని నాని.. టీడీపీ నేత కొల్లు రవీంద్రపై విజయం సాధించారు.