Luck Astrology: వారు ఏ ప్రయత్నం తలపెట్టినా విజయం తథ్యం.. ఏ రాశి వారికి ఎటువంటి అదృష్టం పడుతుంది?
తొమ్మిదవ స్థానం, తొమ్మిదవ స్థానాధిపతి, భాగ్య కారకుడైన గురు గ్రహం బలంగా, సరైన స్థానాల్లో ఉంటే రాజుగానీ, రాజు సమానుడుగానీ అవుతాడని జ్యోతిష శాస్త్రం చెబుతోంది. భాగ్య స్థానాధిపతినే అదృష్ట స్థానాధిపతిగా కూడా పరిగణిస్తారు. ఏ రాశివారికి ఏ విధంగా అదృష్టం పడుతుందో ఇక్కడ పరిశీలిద్దాం..
జ్యోతిష శాస్త్రం ప్రకారం జాతక చక్రంలో 9వ స్థానాధిపతిని భాగ్య స్థానాధిపతిగా పరిగణించడం జరుగుతుంది. జాతక చక్రంలో ఈ స్థానాధిపతి బలంగా ఉంటే, ఇక ఆ జాతకుడికి తిరుగుండదు. జాతకంలో ఎన్ని దోషాలున్నా, ఎన్ని లోపాలున్నా కొట్టుకుపోతాయి. తొమ్మిదవ స్థానం, తొమ్మి దవ స్థానాధిపతి, భాగ్య కారకుడైన గురు గ్రహం బలంగా, సరైన స్థానాల్లో ఉంటే రాజుగానీ, రాజు సమానుడుగానీ అవుతాడని జ్యోతిష శాస్త్రం చెబుతోంది. భాగ్య స్థానాధి పతినే అదృష్ట స్థానాధిపతిగా కూడా పరిగణిస్తారు. ఏ రాశివారికి ఏ విధంగా అదృష్టం పడుతుందో ఇక్కడ పరిశీలిద్దాం.
మేషం: ఈ రాశివారికి గురువు భాగ్యాధిపతి. ప్రస్తుతం గురువు మే‌షరాశిలోనే సంచరిస్తున్నందువల్ల తప్పకుండా అదృష్టం పడుతుంది. వ్యక్తిగత సమస్యలు పరిష్కారం కావడం, వ్యక్తిగత పురోగతి ఉండడం, ఏ కార్యం తలపెట్టినా విజయవంతం కావడం వంటివి తప్పకుండా జరుగుతాయి. ఈ గురువుతో రాహువు కూడా కలిసి ఉన్నందువల్ల విదేశాల్లో ఉద్యోగం సంపాదించడం కూడా జరగవచ్చు. కుటుంబ జీవితం ప్రశాంతంగా సాగిపోతుంది. పితృమూలక ధన ప్రాప్తికి అవకాశముంది.
వృషభం: ఈ రాశికి భాగ్య స్థానాధిపతి అయిన శనీశ్వరుడు ఉద్యోగ స్థానంలో బలంగా ఉన్నందువల్ల, వృత్తి, ఉద్యోగాలపరంగా అదృష్టం పడుతుంది. దూర ప్రాంతంలో లేదా విదేశాల్లో ఉద్యోగం సంపాదించే అవకాశం ఉంటుంది. తండ్రి నుంచి వారసత్వ సంపద లభించడం జరగవచ్చు. ఆర్థిక సంబంధమైన ప్రతి వ్యవహారమూ, ప్రతి ప్రయత్నమూ విజయవంతం అవుతుంది. వృత్తి, ఉద్యోగాలలో బరువు బాధ్యతలు పెరిగినప్పటికీ సరైన ప్రతిఫలం లభిస్తుంది. తండ్రికి కూడా మంచి యోగం పడుతుంది.
మిథునం: ఈ రాశికి కూడా భాగ్యాధిపతి శనీశ్వరుడే కావడం, ఈ గ్రహం నవమ రాశిలోనే ఉండడం వల్ల విదేశాలలో విద్య, ఉద్యోగావకాశాలు అంది వస్తాయి. తప్పకుండా విదేశీ ధనాన్ని అనుభవించడం జరుగుతుంది. భాగ్య కారకుడైన గురువు లాభ స్థానంలో రాహువుతో ఉండడం వల్ల అనేక విధా లుగా భాగ్యం కలిసి వస్తుంది. లాటరీలు, జూదాలు, స్పెక్యులేషన్ వ్యవహారాల్లో కూడా విజయాలు సాధించే సూచనలున్నాయి. తండ్రి వైపు నుంచి సంపద కలిసి వచ్చే అవకాశం కూడా ఉంది.
కర్కాటకం: ఈ రాశివారికి భాగ్య స్థానాధిపతి అయిన గురువు దశమ స్థానంలో ఉన్నందువల్ల కెరీర్ పరంగా వీరికి అదృష్టం పట్టే అవకాశం ఉంది. ఎటువంటి రంగానికి చెందినవారైనప్పటికీ, ఆ రంగంలో తప్ప కుండా పురోగతి ఉంటుంది. వృత్తి, వ్యాపారాలు కూడా బలం పుంజుకోవడం, లాభసాటిగా మార డం జరుగుతుంది. ఇతరులకు ఉద్యోగాలు ఇచ్చే, నియామకాలు జరిపే పరిస్థితి ఏర్పడుతుంది. విదేశీ సంబంధమైన ఉద్యోగాల వల్ల బాగా కలిసి రావడం, అందులో స్థిరత్వం ఏర్పడడం జరుగుతుంది.
సింహం: ఈ రాశికి భాగ్యాధిపతి అయిన కుజుడు ప్రస్తుతం ఈ రాశిలోనే ఉండడం, దీన్ని భాగ్య కారకుడైన గురువు భాగ్య స్థానం నుంచి వీక్షించడం వల్ల తప్పకుండా ఆర్థికంగా, సామాజికంగా అదృష్టం పట్టడం జరుగుతుంది. ఆర్థిక ప్రయత్నాలు, ఆర్థిక వ్యవహారాలు కలిసి వస్తాయి. సమాజంలో గౌరవ మర్యాదలు పెరుగుతాయి. ప్రముఖులతో పరిచయాలు ఏర్పడతాయి. అనేక మార్గాలలో ధనాదాయం పెరగడం జరుగుతుంది. ముఖ్యంగా తండ్రి నుంచి సహాయ సహకారాలు లభిస్తాయి.
కన్య: ఈ రాశికి భాగ్యాధిపతి అయిన శుక్రుడు గానీ, భాగ్య కారకుడైన గురువు గానీ పూర్తి స్థాయిలో అనుకూలంగా లేకపోవడం వల్ల అదృష్టం పట్టే అవకాశం ఉండదు. అదృష్టాన్ని నమ్ముకోకపోవడం మంచిది. ఎక్కువగా స్వయం కృషి మీదే ఆధారపడాల్సి ఉంటుంది. ఆస్తిపాస్తుల్ని జాగ్రత్తగా కాపా డుకోవాల్సి ఉంటుంది. తండ్రి ఆరోగ్యం ఆందోళన కలిగించవచ్చు. విదేశాలకు వెళ్లే ప్రయత్నాలు ఆశించిన స్థాయిలో సఫలం కాకపోవచ్చు. విదేశాల్లో ఉద్యోగాలు చేస్తున్నవారు కూడా జాగ్రత్తగా ఉండాలి.
తుల: ఈ రాశికి భాగ్యాధిపతి అయిన బుధ గ్రహం మిత్ర క్షేత్ర, స్వక్షేత్రాల్లో సంచారం చేస్తుండడం వల్ల, భాగ్య కారకుడైన గురు గ్రహం దృష్టి తులా రాశి మీద ఉండడం వల్ల ఈ రాశివారికి దాదాపు ప్రతి ప్రయత్నమూ అనుకూలిస్తుంది. ఆర్థిక పరిస్థితి గణనీయంగా మెరుగుపడుతుంది. వృత్తి, వ్యాపారాలు విశేషంగా అభివృద్ధి చెందడం, వాటిల్లో పెట్టుబడులు పెట్టడం, ఉద్యోగంలో అధికారుల కారణంగా పురోగతి సాధించడం వంటివి జరుగుతాయి. కుటుంబ జీవితం హ్యాపీగా సాగిపోతుంది.
వృశ్చికం: ఈ రాశికి భాగ్యాధిపతి అయిన చంద్రుడు గానీ, భాగ్య కారకుడైన గురువు గానీ అనుకూలంగా లేనందువల్ల మిశ్రమ ఫలితాలు అనుభవానికి వస్తాయి. కొత్తగా అదృష్టాలు పట్టే అవకాశం లేదు. కొత్త ప్రయత్నాలు, కొత్త ఆలోచనలు చేపట్టకపోవడం మంచిది. గతంలో తీసుకున్న నిర్ణయాలనే కొనసాగించడం ఉత్తమంగా ఉంటుంది. ప్రస్తుతం భాగ్య స్థానంలో శుక్ర గ్రహ సంచారం వల్ల స్త్రీలకు కొద్దిగా అదృష్టం పట్టే అవకాశం ఉంది. స్త్రీల వల్ల కార్యసిద్ధి, వ్యవహార జయం ఉండవచ్చు.
ధనుస్సు: ధనూ రాశికి భాగ్యాధిపతి అయిన రవి గ్రహం ప్రస్తుతం పూర్తి స్థాయిలో అనుకూలంగా ఉండడం, గురు గ్రహం కూడా ఈ రాశిని వీక్షిస్తూ ఉండడం వల్ల ఈ రాశివారు దాదాపు పట్టిందల్లా బంగారం అవుతుంది. ఏ ప్రయత్నం తలపెట్టినా విజయవంతం అయ్యే అవకాశం ఉంటుంది. తప్పకుండా ధనయోగం పడుతుంది. సంతానం వృద్ధిలోకి రావడం, పిల్లల్లో ఒకరికి విదేశాల్లో స్థిర నివాసం ఏర్పడడం వంటివి కూడా జరుగుతాయి. తండ్రి తరఫు నుంచి ఆస్తి సంక్రమించే అవకాశం ఉంది.
మకరం: ఈ రాశివారికి భాగ్య స్థానాధిపతి అయిన బుధుడు మిత్ర, స్వక్షేత్రాలలో సంచరించడం అదృష్టాన్ని కలుగజేస్తుంది. భాగ్య కారకుడైన గురువు చతుర్థ స్థానంలో ఉండడం, దశమ స్థానాన్ని వీక్షించడం వల్ల వృత్తి, ఉద్యోగాలు ఆశించిన దానికంటే ఎక్కువగా రాబడినిచ్చే అవకాశం ఉంది. కెరీర్ సాఫీగా సాగిపోతుంది. బరువు బాధ్యతలు ఎక్కువగానే ఉన్నప్పటికీ, ఆశించిన ప్రతిఫలంతో పాటు మంచి గుర్తింపు కూడా లభిస్తుంది. కుటుంబ జీవితం హ్యాపీగా, సాఫీగా సాగిపోతుంది.
కుంభం: ఈ రాశికి భాగ్యాధిపతి అయిన శుక్ర గ్రహం పూర్తి స్థాయిలో అనుకూలంగా లేనప్పటికీ, భాగ్య కార కుడైన గురువు భాగ్య స్థానాన్ని వీక్షిస్తున్నందు వల్ల కొద్దిపాటి ధన లాభానికి అవకాశం ఉంది. నెమ్మదిగా, నిదానంగానే అయినా వృత్తి, ఉద్యోగాల్లో పురోగతి ఉంటుంది. సామాజికంగా మంచి గుర్తింపు లభిస్తుంది. తండ్రి నుంచి సహాయ సహకారాలు లభిస్తాయి. ఈ రాశివారి సలహాలు, సూచనల వల్ల అటు ఉద్యోగంలోనూ, ఇటు కుటుంబంలోనూ ప్రయోజనాలు చేకూరుతాయి.
మీనం: ఈ రాశివారికి భాగ్యాధిపతి అయిన కుజుడు అనుకూల స్థానాలలో లేనప్పటికీ, భాగ్య కారకుడైన గురువు రెండవ స్థానంలో ఉండడం, ఉద్యోగ స్థానాన్ని వీక్షిస్తుండడం వల్ల వృత్తి, ఉద్యోగాల్లో వేగంగా పురోగతి చెందడం, శత్రు, రోగ, రుణ బాధలు తగ్గడం, ఆశించిన దాని కంటే మించి ఆదా యం పెరగడం, పిల్లలు వృద్ధిలోకి రావడం వంటివి జరుగుతాయి. ఆస్తి వివాదాలు పరిష్కారం అవుతాయి. జీవిత భాగస్వామి జీవితంలో పురోగతి ఉంటుంది. దాంపత్య జీవితం సాఫీగా సాగి పోతుంది.