Honor 90: 200 ఎంపీ కెమెరాతో హానర్ స్మార్ట్‌ఫోన్‌.. ధర ఎంతో తెలుసా.?
చైనాకు చెందిన స్మార్ట్ ఫోన్‌ దిగ్గజం హానర్ భారత మార్కెట్లోకి కొత్త ఫోన్‌ను తీసుకొస్తోంది. హానర్ 90 పేరుతో తీసుకొచ్చిన ఈ ఫోన్‌ ఇప్పటికే చైనాలో లాంచ్‌ అయ్యింది. అయితే మూడేళ్ల తర్వాత ఈ ఫోన్‌ను భారత్‌లో రీలాంచ్‌ చేసేందుకు సిద్ధమవుతున్నారు. ప్రీమియం మార్కెట్‌ను టార్గెట్ చేస్తూ తీసుకొస్తున్న ఈ స్మార్ట్ ఫోన్‌లో స్టన్నింగ్స్‌ ఫీచర్స్‌ను అందిస్తున్నారు. ఈ ఫోన్‌లో ఏకంగా 200 మెగాపిక్సెల్ కెమెరాను అందించడం విశేషం. ఇంతకీ ఈ స్మార్ట్ ఫోన్‌లో ఎలాంటి ఫీచర్లు ఉన్నాయి.? ధర ఎంత.? లాంటి పూర్తి వివరాలు మీకోసం..
హానర్ 90 పేరుతో తీసుకొస్తున్న ఈ స్మార్ట్ ఫోన్‌ త్వరలోనే భారత్‌లో లాంచ్‌ చేయనున్నారు. ఈ ఫోన్‌ ఫీచర్ల విషయానికొస్తే ఇందులో 1200 x 2664 పిక్సెల్‌ల రిజల్యూషన్‌తో కూడిన 6.7 ఇంచెస్‌ ఫుల్‌ హెచ్‌డీ+ కర్డ్వ్‌ ఓఎల్‌ఈడీ డిస్‌ప్లేను అందించారు. 120Hz రిఫ్రెష్ రేట్‌ ఈ స్క్రీన్‌ సొంతం.
ఇక ఈ స్మార్ట్ ఫోన్‌ క్వాల్కమ్‌ స్నాప్‌డ్రాగన్‌ 7 జెన్‌ 1 ఎస్‌ఓసీ ప్రాసెసర్‌ను అందించారు. ఆండ్రాయిడ్ 13 ఆపరేటింగ్ సిస్టమ్‌తో పని చేసే ఈ స్మార్ట్ ఫోన్‌ MagicOS 7. 1 అవుట్-ఆఫ్-ది-బాక్స్‌తో నడుస్తుంది.
కెమెరాకు అత్యధిక ప్రాధానత్య ఇచ్చిన ఈ స్మార్ట్ ఫోన్‌లో ట్రిపుల్ సెటప్‌ రెయిర్‌ కెమెరాను అందించారు. ఇందులో 200 ఎంపీ+12 ఎంపీ+2 ఎంపీ కెమెరాలు ఉన్నాయి. ఇక సెల్ఫీల విషయానికొస్తే 50 మెగాపిక్సెల్ ఫ్రంట్ కెమెరాను అందించారు.
ఇక బ్యాటరీ విషయానికొస్తే ఈ స్మార్ట్ ఫోన్‌లో 66 వాట్స్‌ ఛార్జింగ్‌కు సపోర్ట్ చేసే 5000 ఎమ్‌ఏఎచ్‌ బ్యాటరీని అందించారు. యూఎస్‌బీ టైప్‌ సీ పోర్ట్‌ సపోర్ట్ చేస్తుంది.
సెప్టెంబర్ మధ్యలో ఈ ఫోన్‌ ఇండియాలో లాంచ్‌ కానున్నట్లు తెలుస్తోంది. ధర విషయానికొస్తే ఈ ఫోన్‌ టాప్‌ వేరియంట్ ధర రూ. 45,000గా ఉండొచ్చని అంచనా వేస్తున్నారు.