గోవా లోక్‌ సభ నియోజకవర్గాల ఎన్నికల ఫలితాలు - Goa Lok Sabha Election Constituencies wise Result

లోక్‌సభ ఎన్నికలపై దేశవ్యాప్తంగా ఉత్కంఠ నెలకొంది. ప్రపంచ వ్యాప్తంగా పర్యాటక నగరంగా పేరొందిన గోవా రాష్ట్రానికి తనదైన ప్రత్యేకత ఉంది. గోవా విస్తీర్ణం పరంగా దేశంలోని అతి చిన్న రాష్ట్రం. జనాభా పరంగా నాల్గవ చిన్నది. గోవా దాని అందమైన బీచ్‌లు, అద్భుతమైన ఆర్కిటెక్చర్‌కు ప్రపంచవ్యాప్తంగా ప్రసిద్ధి చెందింది. గోవా ఒకప్పుడు పోర్చుగల్ కాలనీ. పోర్చుగీసు వారు సుమారు 450 సంవత్సరాలు ఇక్కడ పాలించారు. సుదీర్ఘ పోరాటం తర్వాత గోవాకు స్వాతంత్ర్యం వచ్చింది. పోర్చుగీస్ వారు ఈ ప్రాంతాన్ని 19 డిసెంబర్ 1961న భారత పరిపాలనకు అప్పగించారు.

చాలా కాలం పాటు పోర్చుగీస్ పాలనలో ఉన్నందున అరేబియా సముద్రంలో విస్తరించిన గోవాపై  యూరోపియన్ సంస్కృతి బలమైన ప్రభావాన్ని కలిగి ఉంది. 2011 జనాభా లెక్కల ప్రకారం, గోవా మొత్తం జనాభాలో 66% కంటే ఎక్కువ మంది హిందువులు కాగా, 25% మంది క్రైస్తవులు. దాదాపు 8 శాతం ముస్లిం మతస్థులు నివసిస్తున్నారు. గోవాలో 2 లోక్‌సభ స్థానాలు కూడా ఉన్నాయి. వీటిలో గోవా నార్త్, గోవా సౌత్ స్థానాలు ఉన్నాయి. 2014 లోక్‌సభ ఎన్నికల్లో 2 స్థానాలకు గానూ బీజేపీ రెండు స్థానాలను గెలుచుకోగా, 2019 ఎన్నికల్లో బీజేపీ ఒక్క సీటును కోల్పోయింది. ఈ సీటు కాంగ్రెస్ ఖాతాలోకి వెళ్లింది. ఆమ్ ఆద్మీ పార్టీ కూడా ఇక్కడ తన అదృష్టాన్ని పరీక్షించుకున్నా ప్రయోజనం లేకపోయింది.

ప్రశ్న - 2019 ఎన్నికల్లో గోవాలో ఎంత శాతం ఓటింగ్ జరిగింది?

సమాధానం - 75.14% 

ప్రశ్న - 2019 ఎన్నికల్లో గోవాలో ఏ పార్టీకి అత్యధిక ఓట్లు వచ్చాయి?

జవాబు – బీజేపీకి అత్యధికంగా 51.19% ఓట్లు వచ్చాయి.

ప్రశ్న - గోవాలో ఎన్ని లోక్‌సభ స్థానాలు ఉన్నాయి?

సమాధానం - గోవాలో 2 లోక్‌సభ స్థానాలు ఉన్నాయి.

ప్రశ్న - 2019 ఎన్నికల్లో బీజేపీకి ఎన్ని సీట్లు వచ్చాయి?

సమాధానం: 2 సీట్లకు 1 గెలిచింది.

ప్రశ్న - 2019 ఎన్నికల్లో గోవాలో ఆమ్ ఆద్మీ పార్టీకి ఎంత శాతం ఓట్లు వచ్చాయి?

సమాధానం - 3 శాతం

ప్రశ్న - 2014 పార్లమెంటు ఎన్నికల్లో గోవాలో కాంగ్రెస్‌కు ఎన్ని సీట్లు వచ్చాయి?

సమాధానం - 0 

ప్రశ్న - గోవా నార్త్ ఎంపీ ఎవరు?

సమాధానం – బీజేపీకి చెందిన శ్రీపాద్ నాయక్

ప్రశ్న - 2019లో గోవా సౌత్ పార్లమెంట్ స్థానం నుంచి ఎవరు గెలిచారు?

సమాధానం: కాంగ్రెస్‌కు చెందిన ఫ్రాన్సిస్కో సర్దిన్హా విజయం సాధించారు.

ప్రశ్న - గోవా అసెంబ్లీలో ఎన్ని సీట్లు ఉన్నాయి?

సమాధానం - 40 సీట్లు

ప్రశ్న - గోవా సీఎంగా ప్రమోద్ సావంత్ ఇప్పటివరకు ఎన్నిసార్లు ప్రమాణం చేశారు?

సమాధానం - 2 సార్లు